ქუთაისში მაწანწალა ძაღლების თავშესაფრის რეაბილიტაცია დაიწყო

ა(ა)იპ "სპეციალურმა სერვისებმა" უმეთვალყურეოდ დარჩენილ ცხოველთა თავშესაფრის სარეაბილიტაციო სამუშაოების პირველი ეტაპი დაიწყო. თავშესაფარი ქუთაისში, ავტოქარხნის დასახლებაში განთავსდება. ადგილზე უკვე განხორციელდა ღვარსადენისა და საკანალიზაციო არხის გაყვანის სამუშაოები, ხოლო სანიაღვრე არხის კალაპოტში ბეტონის კონსტრუქციები ჩალაგდა. როგორც "სპეციალურ სერვისებ"-ში აცხადებენ, ორგანიზაციის მობილური ჯგუფები ქალაქში მყოფ ე.წ. მაწანწალა ძაღლებზე მონიტორინგს 24-საათიან რეჟიმში ახორციელებენ.