კობა სუბელიანი: პოლიციას ეშინია,რომ კრიმინალი დაიჭიროს

საპარლამენტო უმცირესობის წევრის კობა სუბელიანის განცხადებით, ქვეყანაში პოლიცია დაშინებულია. როგორც სუბელიანი Topnews.com.ge-სთან საუბარში აცხადებს, სამართალდამცავებს კრიმინალები აშინებენ.

"ნებისმიერ პოლიციის შენობას რომ დააკვირდე დილიდან საღამომდე, მარტივი შესამჩნევია ის ფაქტი, თუ როგორ ათავისუფლებენ იმ ადამიანებს ხელწერილით, რომლებიც რესტორანში დაანგრევენ, დალეწავენ ერთმანეთს. მაგალითად, მე შევესწარი ფაქტს, როდესაც პოლიციელს ერთ-ერთი დაკავებული ცოლ-შვილის ამოწყვეტით ემუქრებოდა. პოლიციას ეშინია, რომ დამნაშავე, კრიმინალი, მაჩხუბარი დაიჭიროს. რატომ? იმიტომ, რომ ერთ-ერთი დამნაშავე პოლიციას ემუქრებოდა: მე კი დამიჭერ, მაგრამ შენ ჩემი ძმაკაცები მოგივლიანო. ხულიგნების ეშინიათ პოლიციელებს,"-ამბობს კობა სუბელიანი.