"2-3 დღეში 2016 წლის ქუთაისის ბიუჯეტს თავზე დაგახევ"

"თავისუფალი საქართველოს" იმერეთის ორგანიზაციის თავმჯდომარე გოგი წულაია და ქუთაისის მერიის ადმინისტრაციული სამსახურის უფოროსი ზვიად ჯავახია ტელეკომპანია" იბერიის" პირდაპირ ეთერში ერთმანეთს დაუპირისპირდნენ.

წულაიას თქმით,მიუხედავად იმისა,რომ 2016 წლის ბიუჯეტის პროექტი არ წაუკითხავს, ის დარწმუნებულია, რომ აღმასრულებელი ხელისუფლება ხალხზე ორიენტირებულ ბიუჯეტს არ მიღეებდა.

" რად უნდა ამ ბიუჯეტს წაკითხვა, რა ბალაგანი ბიუჯეტიც მიიღეს შარშან, ის იქნება წელსაც. ქუთაისის მერიას ხალხი არ აინტერესებს. მათ აინტერესებთ გართობა და დროსტარება. მინდა ვუთხრა ბატონ ჯავახიას, წავიკითხავ 2-3 დღეში ამ ბიუჯეტს და დავახევ თავზე,"- აცხადებს წულაია.

ქალაქის მერიის ადმინისტრაციული სამსახურის უფროსის ზვიად ჯავახიას თქმით, 2016 წლის ბიუჯეტი ინფრასტრუქტურულ და სოციალურ პროექტებზეა ორიენტირებული.
"ვურჩევ ბატონ წულაიას, რომ ჯერ წაიკითხოს ბიუჯეტი და მერე ისაუბროს. კაცი აზრზე არაა, არ წაუკითხავს და ისე აკრიტიკებს,"- ამბობს ჯავახია.