ქუთაისი ახალ წელს ძველი ნაძვის ხით შეხვდება

ქუთაისში ახალ წელთან დაკავშირებით სამზადისი დაიწყო.

ქალაქის მერიის კეთილმოწყობის სამსახურის უფროსის მალხაზ ბასილაძის თქმით, ქალაქს მიმდინარე წელს ახალი ნაძვის ხე არ ექნება. ძველი, 3 ნაძვის ხე კი ქალაქის სხვადასხვა ქუჩაზე განთავსდება.

სახალწლოდ ქალაქის მოსართავად ადგილობრივი ბიუჯეტიდან 78 000 ლარი გამოიყო. აღნიშნულ თანხაში შედის საახალწლო ღონისძიებების დასრულების შემდეგ, საახალწლო აქსესუარების დემონტაჟი.

"სამწუხაოდ ნაძვის ხე ახალი არ იქნება, მაგრამ იქნება ის ძველი ნაძვის ხეები, რომელიც ჰქონდა ქალაქს და ნორმალურ მდგომარეობაშია. ერთი მესხიშვილის თეატრის წინ დაიდგმება აუცილებლად. მეორე ცისფერყანწელთა ქუჩაზე, მესამე ნაძვის ხის მდებარეობაზე კი მერიის კულტურის სამსახურთან ერთად შევთანხმდებით. საახალწლო აქსესუარებით ქალაქის მორთვა უკვე დაიწყო," - აცხადებს მალხაზ ბასილაძე.

საახალწლო აქსესუარებით ქუთაისის მორთვა 22 დეკემბერს დასრულდება.