ხარაგაულში კეთილმოწყობის სამსახურის თანამშრომლები გაიფიცნენ

ხმაურის და აქციის ფონზე მიმდინარეობდა საკრებულოს სხდომა ხარაგაულში. ხარაგაულის კეთილმოწყობის სამსახურის თანამშრომლები მათი ხელმძღვანელის, მიეხილ ჭიპაშვილის თანამდებობიდან გათავისუფლებას აპროტესტებენ.

ჭიპაშვილის თანამდებობიდან მოხსნა საკრებულოს ერთ-ერთმა დეპუტატმა მოითხოვა. მისი თქმით, სამსახურის უფროსი მასთან ნასვამ მდგომარეობაში მივიდა და სიტყვიერი შეურაცხყოფა მიაყენა.

ააიპ ხარაგაულის კეთილმოწყობის სამსახურის თანამშრომლების თქმით, ვიდრე თანამდებობაზე მიხეილ ჭიპაშვილს არ აღადგენენ, ისინი მუშაობას არ განაახლებენ.

რაც შეეხება თავად მიხეილ ჭიპაშვილს, ის სამსახურში აღდგენას სასამართლოს გზით შეეცდება.