საქართველოში მარჯვენასაჭიანი ავტომობილების აკრძალვას აქციით გააპროტესტებენ

მიმდინარე წლის 6 დეკემბერს, 12:00 საათზე, ქუთაისში, საქართველოს პარლამენტის შენობასთან იმ მძღოლების აქცია გაიმართება, რომელთაც მარჯვენასაჭიანი ავტომობილები ჰყავთ. აქციის მიზანს იმ კანონის გაპროტესტება წარმოადგენს, რომელსაც ხელისუფლება მარჯვენასაჭიანი ავტომობილების მიმართ ამზადებს. კერძოდ, კი კანონის ამოქმედების შემდეგ, აღნიშნული ავტომობილების ქვეყანაში შემოყვანა აიკრძალება.

"აქციის მიზანი ერთია! მარჯვენასაჭიან მანქანებთან დაკავშირებით კანონების გაპროტესტება. დავანახოთ, რომ ჩვენც ვარსებობთ!," - აცხადებენ აქციის ორგანიზატორები.