ახალი წლიდან ხონში სათვალთვალო ვიდეო კამერების დამონტაჟება იგეგმება

ხონის მუნიციპალიტეტის საკრებულოს მიმდებარე ტერიტორიაზე არსებულ სკვერში აღდგენითი სამუშაოები მიმდინარეობს. ა(ა)იპ კომუნალური სერვის - ცენტრის თანამშრომლები დაზიანებულ ლამპიონებს ცვლიან. ასევე, მიმდინარეობს სკვერში დამონტაჟებული ჯვარის შეღებვა.

,,უკვე მერამდენედ გვიხდება სკვერში განათების განახლება. სამწუხაროდ, ჩვენი თანამოქალაქეების ვანდალური ქმედებების გამო, ყოველ წელს ერთი და იგივე პრობლემის წინაშე ვდგავართ: დამტვრეულია ნათურები, ხელოვნურად დაზიანებულია ელექტროსადენები და ასობით ლარს ვხარჯავთ, რომ ქალაქს იერსახე შევუნარჩუნოთ. ახალი წლიდან ქალაქში სათვალთვალო ვიდეო კამერების დამონტაჟებას ვგეგმავთ, რაც დაგვეხმარება, რომ გამოვავლინოთ ის პირები, რომლებიც ასე მიზანმიმართულად ანადგურებენ ქალაქის ინფრასტრუქტურას და მათ მიმართ შესაბამისი სამართლებრივი ღონისძიებები გატარდება," - განაცხადა გამგებლის წარმომადგენელმა ქალაქის ადმინისტრაციულ ერთეულში ოთარ ჯაფარიძემ.