ქუთაისში, პარლამენტის შენობის წინ, ირაკლი შოთაძის საწინააღმდეგო აქცია მიმდინარეობს

ქუთაისში, პარლამენტის შენობის წინ, ახალი მთავარი პროკურორის, ირაკლი შოთაძის საწინააღმდეგო აქცია მიმდინარეობს.

აქციის მონაწილეებმა ის გახმაურებული საქმეები გაიხსენეს, რომელიც დღევანდელი ხელისუფლების პირობებში მოხდა, თუმცა, ამ დრომდე გაუხსნელია.

პარლამენტის წინ, ძირითადად „ნაციონალური მოძრაობის“ წევრები და მათი მხარდამჭერები არიან შეკრებილები, რომლებიც აცხადებენ, რომ შოთაძეს მორალური უფლება არ აქვს ამ თანამდებობაზე ყოფნის.

„გამოუძიებელია ბარბარე რაფალიანცის, შალვა თათუხაშვილის, ეროსი კიწმარიშვილის საქმეები. პროკურატურა არის უუნარო, მთავარი პროკურორის მოადგილე კი, _ უმოქმედო. სწორედ ამიტომ, ირაკლი შოთაძეს არ აქვს უფლება, გახდეს მთავარი პროკურორი“, - აცხადებენ აქციის მონაწილეები.