ზესტაფონის საკრებულოს „ლეიბორისტმა“ დეპუტატმა პარტია დატოვა

ზესტაფონის საკრებულოს "ლეიბორისტმა" დეპუტატმა დავით გამცემლიძემ პარტია დატოვა.
მისი თქმით, "ლეიბორტისტული პარტიის" თავმჯდომარე შალვა ნათელაშვილი ქვეყნის ექს-პრეზიდენტთან მიხეილ სააკაშვილთან არის შეკრული, რაც მისთვის მიუღებელია.
გამცემლიძის თქმით, ის დღეიდან პარტია "მემარცხენე ალიანსს" უერთდება.
"გადავწყვიტე დავტოვო "ლეიბორტისული პარტია და "მემარცხენე ალიანსს" შევუერთდე. ბატონო შალვა ნათელაშვილი, ვფიქრობ, რომ სააკაშვილთან არის შეკრული,"- აცხადებს დავით გამცემლიძე.