ქუთაისის ახალ ტურისტულ ლოგოს 85 ვარიანტიდან შეარჩევენ

ქუთაისის მერიაში ადგილობრივი თვითმმართველობის განახლებული ვებ-გვერდისა და ქალაქის ახალი ტურისტული ლოგოს, სლოგანის საკონკურსო პირობების გაცნობა- პრეზენტაცია შედგა. ქუთაისის ტურისტული ლოგოს და სლოგანის შესარჩევ კონკურსზე ეკონომიკის განვითარებისა და ქონების მართვის სამსახურის უფროსმა პაატა კლდიაშვილმა ისაუბრა.
მისი თქმით, ქუთაისის ტურისტული ლოგოს შესარჩევად გამოცხადებულ კონკურსში 85 ნამუშევარი შევიდა. რაც შეეხება სლოგანს მხოლოდ, სლოგანების რაოდენობა 27-ია. მათგან საუკეთესო ლოგოს ავტორი 1500 ლარს, სლოგანის კი 1000 ლარს მიიღებს. შეგახსენებთ, რომ ქუთაისის ტურისტული ლოგოსა და სლოგანის შესარჩევად გაქმოცხადებული კონკურსის პირველი ეტაპი არასათანადო ნამუშევრების გამო ჩაიშალა, მეორე ეტაპი კი 15 ოქტომბერს გამოცხადდა. აღნიშნულ კონკურსში მონაწილეობა და ხმის მიცემა www.kutaisi.gov.ge-ზე ონლაინ რეჟიმშია შესაძლებელი.