ოთხ წელიწადში ქუთაისის ბიუჯეტი 11 მილიონით გაიზარდა

ქუთაისის საკრებულო ქალაქის 2016 წლის ბიუჯეტის პროექტს განიხილავს.

აღნიშნული პროექტით, ქუთაისის 2016 წლის ბიუჯეტის გადასახდელებისა და შემოსულობების საეთო ჯამი 47 713 700 ლარს შეადგენს. 2012 წელთან შედარებით, ბიუჯეტის მოცულობა 11 მილიონით არის გაზრდილი. ქალაქის მთავარი ფინანსური დოკუმენტის პრიორიტეტებს სოციალური და ინფრასტრუქტურული პროექტების დაფინანსება წარმოადგენს.

ქუთაისის ბიუჯეტის მოცულობა უკანასკნელი 4 წლის განმავლობაში შემდეგნაირად გამოიყურებოდა: 2015 წელი - 43 077500 ლარი; 2014 წელი - 42 168800 ლარი; 2013 წელი - 42 807000 ლარი; 2012 წელი - 36 445000 ლარი.