მოსკოვში მდინარეში ბანკების კუბოები ჩაუშვეს

რუსეთში, სავალუტო იპოთეკური სესხის მქონე პირებმა საპროტესტო აქცია მოაწყეს და მდინარე მოსკოვში „რთულად საურთიერთო“ ბანკების 20 კუბო ჩაუშვეს.

კუბოებს იმ ბანკების სახელწოდებები „ამშვენებს,“ რომლებთანაც მსესხებლები კრედიტების რესტრუქტურიზაციის მიზნით მოლაპარაკებების წარმოებას ცდილობენ.

„ამ აქციით იპოთეკურმა მსესხებლებმა გადაწყვიტეს, ის ბანკები, რომლებიც არ დგამენ მათდამი შემხვედრ ნაბიჯებს, თავისუფალ ცურვაში გაუშვან რუბლთან ერთად. სიმბოლურია, რომ ეს მოხდა პარასკევს, 13 რიცხვში,“– აცხადებს აქციის ერთერთი ორგანიზატორი.

მისივე თქმით, კუბოების რაოდენობა შეესაბამება რუსეთის ყველაზე „დახურული“ ბანკების რაოდენობას.

სავალუტო იპოთეკარების მოძრაობის წარმომადგენლის ირინა ოსტის თქმით, კუბოები, რომლებსაც ის „არტ–ობიექტებს“ უწოდებს, ქალაქის ცენტრისკენ მიცურავენ.

commersant.ge