ძლიერი წვიმის შედეგად, ქუთაისში საცხოვრებელი სახლის ნაწილი ჩამოინგრა (ვიდეო შემთხვევის ადგილიდან)

ქუთაისში, მწვანეყვავილას ქუჩაზე გადაუღებელი სამდღიანი წვიმის შედეგად ადგილობრივ მოსახლეობას პრობლემები შეექმნა.
ჩამოწოლილმა მეწყერმა გზის სავალი ნაწილი დააზიანა და ორ საცხოვრებელ სახლს საფრთხე შეუქმნა.
ერთ-ერთი კერძო სახლის საყრდენი კედელი მთლიანად ჩამოინგრა.
შემთხვევის ადგილზე სამაშველო სამსახურის ბრიგადები და ქუთაისის მერი შოთა მურღულია მივიდნენ. ქუთაისის მერის განცხადებით, ზარალის დათვლის შემდეგ გადაწყდება, თუ რა ფორმით დაეხმარება სახელმწიფო დაზარალებულ ოჯახებს.