ძლიერმა ქარმა ბაღდათის რაიონში ხეები მოგლიჯა

ძლიერმა ქარმა ბაღდათის რაიონში ხეები მოგლიჯა, ძლიერი წვიმების შედეგად კი ბაღდათი-საირმის გზაზე მეწყერი ჩამოწვა.
მეწყერის გამო, საავტომობილო გზა გადაიკეტა და ავტომანქანით გადაადგილება შეზღუდულია.
მიმდინარეობს გზის გაწმენდითი სამუშაოები.
ბაღდათის რაინში სტიქიის შედეგად რამდენიმე სოფელში მეწყერი ჩამოწვა.
შეგახსენებთ, რომ ძლიერი წვიმა იმერეთში გუშინ, გვიან ღამით დაიწყო. რამდენიმე საათიანი გადაუღებელი წვიმის შედეგად, იმერეთის რამდენიმე მუნიციპალიტეტში საცხოვრებელი სახლები და სახნავ-სათესი მიწები დაიტბორა.
ძლიერი წვიმის შედეგად, კალაპოტებიდან მდინარეები გადმოვიდა, რის გამოც, რამდენიმე გზა ნიაღვარმა წაიღო.