სტიქიამ ვანის სოფლებში სახლები დატბორა

ძლიერი წვიმის შდეგად, ვანის მუნიციპალიტეტში ადიდებულმა მდინარე ყუმურმა სოფელ შუამთასა და სოფელ მთისძირში სასოფლო -სამეურნეო დანიშნულების მიწები და ადგლობრივი მცხოვრებთა საკარმიდამო ეზოები დატბორა.

ძლიერი წვიმის შედეგად დაზარალებულ მოსახლეობას ვანის მუნიციპალიტეტის გამგებელი ზაზა ხურციძე, მოადგილე მინდია ტაბიძე და ადგილობრივი ხელისუფლების წარმომადგენლები შეხვდნენ, რომლებიც მოსახლეობას დახმარებას დაპირდნენ.

ამჟამინდელი მდგომარეობით, მუნიციპალიტეტში წყლის დონემ დაიწია და სტიქიის საფრთხემაც იკლო. აღსანიშნავია, რომ სოფლების გარდა, სტიქიამ ქალაქ ვანში ჩუგნაძის ქუჩის მიმდებარე ტერიტორია დატბორა. აღნიშნულ ქუჩაზე არხმა წყალი არ გაატარა და ადგილობრივების ეზოებში შევიდა. ადგილზე მობილიზებულია ტექნიკა და მიმდინარეობს წყალგაყვანილობის არხების რეაბილიტაციის პროცესი.