პოლიციის უფროსის კაბინეტში ადვოკატი სასტიკად სცემეს

"ვაკე-საბურთალოს სამმართველოს პოლიციის მე-5 განყოფილების თანამშრომლებმა ადვოკატი გიორგი მდინარაძე პოლიციის უფროსის კაბინეტში სასტიკად სცემეს," -ინფორმაციას აღნიშნულთან დაკავშირებით ადვოკატი ტარიელ კაკაბაძე ავრცელებს.

კაკაბაძის ინფორმაციით, პოლიციელების გაღიზიანება გამოიწვია იმ ფაქტმა, რომ ადვოკატმა თავის დაცვის ქვეშ მყოფ არასრულწლოვანს, დუმილის უფლების გამოყენება ურჩია.

" როგორც ცნობილია, ცემაში ასევე მონაწილეობდა პოლიციის უფროსი. მოვითხოვთ დანაშულის შესაძლო ჩამდენთა უმკაცრესად და სამაგალითოდ დასჯას! მოვუწოდებ გენერალურ ინსპექციას, მოახდინოს სწრაფი და ეფექტური გამოძიება! არ დარჩეს პასუხგაუცემელი კითხვები! როდესაც ადვოკატს ასე ექცევიან, წარმოიდგინეთ როგორ მოექცევიან უბრალო მოქალაქეებს. წარმოიდგინეთ, რამდენ ადამიანს შეურაცხყოფენ, უსწორდებიან ყოველდღიურად. რამდენ უდანაშაულო ადამიანს უკერავენ საქმეს და წირავენ პატიმრობისთვის," -ამბობს ტარიელ კაკაბაძე.