სოციალური თანასწორობის მცდელობა თუ საჯარო სკოლის ბიზნესი ქურთუკების სახით?

ქუთაისის #12 საჯარო სკოლაში საგანმაათლებლო დაწესებულების დირექტორისა და დამრიგებლების გადაწყვეტილებით, მოსწავლეებს 40 ლარად ღირებული ქურთუკები შეაძენინეს. აღნიშნულის შესახებ Topnews.com.ge-ს ინფორმაცია ინფორმირებულმა წყარომ აცნობა.

რესპონდენტის განცხადებით, ქურთუკების შეძენის წინააღმდეგი იყვნენ მოსწავლეთა მშობლები და ქურთუკების დაბრუნების მიუხედავად, მოსწავლეებს მისი ტარება მაინც უწევთ.

Topnews.com.ge მოცემულ საკითხთან დაკავშირებით სკოლის დირექტორს ესაუბრა. ნათია სულავა ირწმუნება, რომ მოსწავლეების მიერ ერთნაირი ქურთუკების ტარება მშობლების ინიციატივითა და ბავშვების სურვილით მოხდა.

"ჩვენს სკოლის ბავშვები უკვე კარგა ხანია ატარებენ ერთნაირი ფორმის მაისურს. მშობლების ინიციატივითა და ბავშვების სურვილით გადაწყდა, მოსწავლეებს ეტარებინათ ერთნაირი ფორმის ჟაკეტები და ყველას ეცმეოდა ერთნაირად. ბავშვებმა თვითონ შექმნეს მოდელი. სკოლა კი არ ერევა. მოსწავლეების ნებაა სად და როგორ შეიძენენ ან შეიკერავენ ფორმებს. ხოლო ვისაც ჟაკეტის შეძენა არ შეუძლია, ჩაიცვამს იმას რაც სურს მაისურის გარეთ,"-ამბობს ნათია სულავა.

ქუთაისის საგანმანათლებლო რესურსცენტრის ხელმძღვანელი ბადრი ვაშაკიძე ამბობს, რომ თემის შესახებ პირველად ესმის და მის გარკვევას შეეცდება.

თამუნა სხულუხია