ირაკლი ალასანიას პარტია ვანში აღარ არსებობს

ვანში "თავისუფალი დემოკრატები"-ს ორგანიზაცია აღარ არსებობს. პარტია ყველა წევრმა დატოვა. აღნიშნულის შესახებ განცხადება ქუთაისში, "ქართული ოცნების" ოფისში, ვანის საკრებულოს "თავისუფალი დემოკრატების" წევრმა რომან თვალაბეიშვილმა გააკეთა.

თვალაბეიშვილის განმარტებით, ისინი ემიჯნებიან "თავისუფალი დემოკრატების" პოლიტიკურ გზას, რომელიც "ნაციონალურ მოძრაობასთან" იკვეთება.
მისივე განცხადებით, საკრებულოს წევრები, რომლებიც "თავისუფალ დემოკრატებს" წარმოადგენდნენ, ჯერჯერობით დამოუკიდებელ დეპუტატებად რჩებიან.