პიარი თუ ქუთაისის მერიის ზრუნვა საცხოვრებლის გარეშე დარჩენილ ოჯახებზე?

ქუთაისის მერი ქალაქში არსებულ სამშენებლო სამშენებლო კომპანიების წარმომადგენლებს შეხვდა. შეხვედრის თემას ქუთაისში არსებული, თავშესაფრის გარეშე მყოფი ოჯახების საცხოვრებლით უზრუნველყოფა წარმოადგენდა.

შოთა მურღულიას განცხადებით, ადგილობრივი ხელისუფლებაში საცხოვრებლით დაკმაყოფილების თხოვნით 700-მდე განაცხადია შესული. როგორც მერი ამბობს, საცხოვრებელი ბინით თავდაპირველად 40-50 ოჯახის უზრუნველყოფა მოხდება.

„დავიწყეთ ამ პრობლემის დაძვრა. ცხადია ამას დრო სჭირდება, თუმცა დაწყება მნიშვნელოვანია. რამდენიმე ვარიანტს განვიხილავს. ერთ-ერთი ვარიანტია ის, რომ შევხვდეთ იმ კომპანიების წარმომადგენლებს, რომლებსაც ქუთაისში დაწყებული აქვთ ან დასრულებული მშენებლობა და ბაზარი შევისწავლოთ. ეს შეხვედრა პირველი ეტაპი იყო. ამის შემდეგ კონკურსი გამოცხადდება. შევეცდებით ეტაპობრიბად დავაკმაყოფილოთ ეს ადამიანები. პროცესი ქუთაისში, ბაზარზე არსებულ ფასზეა დამოკიდებული,“ - ამბობს შოთა მურღულია.

საცხოვრებელი შესაბამისი საჭიროების მქონე პირს იმ დრომდე გადაეცემა, ვიდრე მისი სოციალური მდგომარეობა არ გამოსწორდება.