ხონის სოფელ ნახახულევის ბიბლიოთეკისთვის წიგნებს აგროვებენ

საქართველოს პარლამენტის ეროვნულმა ბიბლიოთეკამ ხონის მუნიციპალიტეტის სოფელ ნახახულევის ბიბლიოთეკისთვის წიგნების შეგროვება დაიწყო.

აღნიშნული ბიბლიოთეკისთვის წიგნების გადაცემის მსურველებმა ინფორმაციისთვის უნდა დარეკონ შემდეგ ნომრებზე: 297 1661, 597 11 02 20 ან წიგნები ეროვნული ბიბლიოთეკის გენერალური დირექტორის სამდივნოში მიიტანონ.

სოფელ ნახახულევის ბიბლიოთეკა საქართველოში ერთ-ერი უძველესია. მისი არსებობის შესახებ სტატია მეცხრამეტე საუკუნის გაზეთში დაიბეჭდა. მოგვიანებით ბიბლიოთეკა დაიწვა და საკუთარი შენობის გარეშე დარჩა.

სოფელ ნახახულევის ბიბლიოთეკისათვის წიგნების შეგროვების იდეია ავტორები ბიბლიოთეკის აღდგენას და შენარჩუნებას ქართული კულტურისა და ისტორიის ერთ-ერთ უმნიშვნელოვანეს მოვლენად მიიჩნევენ.