"სპეციალური სერვისები" მოქალაქეთა უსაფრთხოებისთვის სამუშაოებს განაგრძობს

ააიპ "სპეციალური სერვისები" ქუთაისის მასშტაბით, მოქალაქეთა უსაფრთხოების მიზნით, სამუშაოებს უწყვეტ რეჟიმში ახორციელებს.

კომპანიის თანამშრომლებმა დავით და კონსტანტინეს ქუჩაზე გზისა და სანიაღვრე არხების გაწმენდით სამუშაოები განახორციელეს. სამუშაოების ფარგლებში მიწის საფარისაგან გათავისუფლდა ცენტრალური გზის ნაპირები, გადაიბელა ხეები და გაიწმინდა ღვარსადენი სისტემა.

დავითი და კონსტანტინეს ქუჩისა გარდა, "სპეციალური სერვისები"-ს თანამშრომლებმა ხეების გადაბელვა ჯავახიშვილის ქუჩაზე მოახდინეს.



როგორც კომპანიის პრესსამსახურში აცხადებენ, ქალაქში მაცხოვრებელთა უსაფრთხოების მიზნით, სამუშაოები სამომავლოდაც აქტიურად გაგრძელდება.