2016 წელი მსოფლიოში შოთა რუსთაველის წლად გამოცხადდა

იუნესკომ 2016 წელი მსოფლიოში შოთა რუსთაველის წლად გამოაცხადა. აღნიშნულთან დაკავშირებით ინფორმაციას რუსთაველის საზოგადოების პრეზიდენტი დავით შემოქმედელი (ტაკიძე) ავრცელებს.

"დღევანდელ დაძაბულ ფონზე მინდა ერთი სასიამოვნო ინფორმაცია მოგაწოდოთ. დღემდე ამ საკითხის გადაჭრა პრობლემატური იყო. სრულიად საქართველოს რუსთაველის საზოგადოება კატეგორიულად მოითხოვდა საკითხის დადებითად გადაწყვეტას. როგორც იქნა, გადაწყდა. საქართველოს მთავრობის ძალისხმევის შედეგად, 2016 წელი იუნესკომ მსოფლიოში შოთა რუსთაველის წლად გამოაცხადა,“ -წერს საკუთარ ფეისბუქგვერდზე დავით შემოქმედელი.