"მოსალოდნელიც იყო, რომ ქუთაისს მოსახლეობით გაუსწრებდა ბათუმი. ამ ყველაფერში ტრაგედიას ვერ ვხედავ"

ქუთაისის მაჟორიტარი დეპუტატი გუბაზ სანიკიძე "საქსტატის" მონაცემებს ეხმაურება, რომლის მიხედვითაც, ქუთაისი, მოსახლეობის რაოდენობის მიხედვით, მეორე ქალაქი აღარ არის.

გუბაზ სანიკიძის თქმით, მოსალოდნელიც იყო, რომ ქუთაისს მოსახლეობის რაოდენობით ბათუმი გაუსწრებდა.

"უპირატესობა ბუნებრივია აქვს ბათუმს, რადგან ბათუმში არის პორტი, არის საზღვართან, არის ავტონომიის ცენტრი და ამ მხრივ უპირატესობა აქვს ბათუმს. მოსალოდნელიც იყო, რომ ქუთაისს მოსახლეობით გაუსწრებდა ბათუმი. ამ ყველაფერში ტრაგედიას ვერ ვხედავ, ამით ქუთაისის მნიშვნელობა არ კნინდება. სამი ქალაქს აქვს ამ ქვეყანაში განსაკუთრებული სტატუსი, თბილისი, ქუთაისის და მცხეთა, სწორედ ეს ქალაქები იყო სატახტო ქალაქი", - აცხადებს სანიკიძე.

ცნობისთვის, საქსტატის მონაცემებით, ქუთაისის მოსახლეობა 149 000 ადამიანს შეადგენს, ბათუმში კი, 153 ათასი მოსახლეა რეგისტრირებული.