"ნაციონალები"-ს პროტესტი და კითხვები ქუთაისის მერს

ქუთაისის საკრებულოს სხდომა „ნაციონალებმა“ პროტესტის ნიშნად დატოვეს. პროტესტის მიზეზად კი „ნაციონალების“ ფრაქციის თავმჯდომარემ დავით გოგისვანიძემ ის ფაქტი დაასახელა, რომ მათ სასურველი კითხვების დასმის საშუალება არ მიეცათ.

დავით გოგისვანიძის თქმით, მათი კითხვები „ნაციონალური მოძრაობის“ ქუთაისის ოფისზე მომხდარ თავდასხმასა და თავდასხმის შედეგად ოფისისისთვის მიყენებული ზარალის ანაზღაურებას შეეხებოდა.

„ეს არის ქალაქის ბალანსზე არსებული შენობა. ამიტომ მინდა ვკითხო შოთა მურღულიას, რა ზომებს იღებს ქალაქის მერია, რადგან ზარალი დიდია,“ - ამბობს გოგისვანიძე.

ქუთაისის მერიის ადმინისტრაციული სამსახურის უფროსი ზვიად ჯავახია ოპონენტის საპასუხოდ აცხადებს, რომ ფაქტზე მოკვლევას სამართალდამცავები აწარმოებენ და დამნაშავე კანონის შესაბამისად დაისჯება.