"ჩვენ ვითხოვთ თავისუფალი სიტყვის არსებობას საქართველოში,"-სტუდენტების აქცია ქუთაისში

ქუთაისის აკაკი წერეთლის სახელმწიფო უნივერსიტეტის სტუდენტებმა ტელეკომპანია რუსთავი 2-ის მხარდამჭერი აქცია გამართეს. დღესვე სტუდენტებმა ქვეყანაში თავისუფალი მედიის არსებობის მოთხოვნით ხელმოწერების შეგროვებაც დაიწყეს.

"წერეთლის უნივერსიტეტის სტუდენტები ვუერთდებით რუსთავი 2 -ის მხარდამჭერ აქციას, რომელიც თბილისში დაიწყო და მხარს ვუჭერთ თავისუფალ მედიას საქართველოში. დავიწყეთ ხელმოწერების შეგროვება. ჩვენ ვითხოვთ თავისუფალი სიტყვის არსებობას საქართველოში და არ გვინდა რაიმე სახის ზეწოლა განხორციელდეს თავისუფალ მედიაზე. ამიტომაც ვაგროვებთ ხელმოწერებს," -ამბობს აქციის მონაწილე თათია ბოჭორიშვილი.

"უკვე დავიწყეთ ხელმოწერების შეგროვება. მოცემული პეტიციით სტუდენტებმა გადავწყვიტეთ მხარი დავუჭიროთ რუსთავი 2-ს, რადგან სიტყვის თავისუფლება და მედიის თავისულება არის ფუნდამენტური ღირებულება დემოკრატიული სახელმწიფოსთვის,"- ამბობს აქციის ერთ-ერთი მონაწილე გოგა გოგელაშვილი.

თამუნა სხულუხია