ქუთაისის ქუჩებში „ნაციონალური მოძრაობის“ შეურაცხმყოფელი პლაკატები გამოჩნდა

ქუთაისის მასშტაბით, სხვადასხვა ქუჩებში პლაკატები არის გაკრული, სადაც საპარლამენტო უმცირესობის წევრები ჰყავთ გაშარჟებული.
პლაკატზე ასევე წარწერები: „ქათმიონალური მოძრაობა“ და „ჭირი, რომელიც უნდა გადაშენდეს“ აწერია.
"ნაციონალურ მოძრაობაში" დარწმუნებულები არიან, რომ პლაკატები ხელისუფლების დავალებით დაბეჭდეს და გაავრცელეს. ოპოზიცურ პარტიაში, აღნიშნულ ქმედებაზე სამართალდამცველებს დაინტერესებისკენ მოუწოდებენ.
„ეს პლაკატები არის ხელისუფლების სახე. ალბათ გუშინ მთელი ღამის განმავლობაში აკრავდნენ, რომ დილით მოსახლეობას ენახა. წესით ნორმალურ ქვეყანაში, ამ ქმედებით სამართალდამცავები უნდა დაინტერესდნენ“, - აცხადებს „ნაციონალური მოძრაობის“ წარმომადგენელი კოტე რატიანი.