ქუთაისში „ნაციონალური მოძრაობის “ ოფისს წითელი საღებავით სავსე ბუშტები ესროლეს

ქუთაისში „ნაციონალური მოძრაობის “ ოფისს წითელი საღებავით სავსე ბუშტები ესროლეს.
ოპოზიციური პარტიის ოფისს ასევე წარწერები - „ქათმებო“, „მკვლელებო“ მიაწერეს.
როგორც პარტიაში აცხადებენ, ოფისი მათ გვიან ღამით დატოვეს, დღეს დილით კი რაიონულ ორგანიზაციაში მისულებს, ასეთი სურათი დახვდათ.
„ეს არის „ქართული ოცნების“ სახე და ის წარწერები, რომლებიც მათ დატოვეს, ხელისუფლებასთან ასოცირდება. გამოვიძახეთ სამართალდამცავები და ადგილზე პოლიცია მუშაობს“, - აცხადებს „ნაციონალური მოძრაობის“ ქუთაისის ორგანიზაციის წევრი კოტე რატიანი.