"ცენტრალური ხელისუფლება უკვე ღია ნადირობას ეწევა განსხვავებული პოლიტიკური შეხედულების მქონე ადამიანებსა და პარტიაზე"

"ევროპა ჩემი სახლიას" დამფუძნებელი, გია გოქაძე, გუშინ "საქართველოს მასშტაბით" ნაციონალური მოძრაობის" რაიონულ ორგანიზაციებთან მომხდარ ინცინდენტს ეხმაურება.
გოქაძის თქმით, მმართველი პარტია ახორციელებდა ოპოზიციური პარტიის ოფისებზე მასირებულ ფიზიკურ თავდასხმებს საქართველოს სხვადასხვა ქალაქებში, რაც მისთვის დაუშვებელია.

"მმართველი პარტია ახორციელებდა ოპოზიციური პარტიის ოფისებზე მასირებულ ფიზიკურ თავდასხმებს საქართველოს სხვადასხვა ქალაქებში.ხელისუფლებაში მოსვლის სამი წლის თავზე, ცენტრალური ხელისუფლება უკვე ღია ნადირობას ეწევა განსხვავებული პოლიტიკური შეხედულების მქონე ადამიანებსა და პარტიაზე.NDI-ის ბოლო გამოკითხვების შედეგად პოლიტიკური ოპოზიციური პარტიის მიერ ნაჩვენებმა საუკეთესო შედეგმა, გამოიწვია მმართველი პარტიის არაადეკვატური ქმედება და "ქართული ოცნება" გასცდა კონსტიტუცირ ჩარჩოს ფარგლებს.ამ თავდასხმებში მონაწილეობას ღებულობდა საჯარო მოხელეებიც,რაც კიდევ გვაფიქრებინებს, რომ ხელისუფლება იქცა ძალადობის წყაროდ,რომელიც უკვე დაუნდობლად ებრძვის განსხვავებული პოლიტიკური შეხედულების მქონე ადამიანებს.გაკვირვებას იწვევს სხვა ოპოზიციური პოლიტიკური ძალების პასიურობა ამ ძალადობასთან დაკავშიებით,რაც გვაფიქრებინებს ,რომ ქვეყნის არაფორმალური მმართველის გავლენა მათზეც ისევე ვრცლდება, როგორც სახელმწიფო ინსტიტუტებზე.ქვეყანაში მძვინვარებს ერთი ადამიანის -ბიძინა ივანიშვილის დიქტატი.სახელმწიფო, როგორც ასეთი ,არ არსებობს.ეს არის კვაზი-სახელმწიფო."- აცხადებს "ევროპა ჩემი სახლიას" ხელმძღვანელი გია გოქაძე.