ქუთაისში ჰუალინგის თავისუფალი ინდუსტრიული ზონა გაიხსნა

ქუთაისში ჰუალინგის თავისუფალი ინდუსტრიული ზონა გაიხსნა.

გახსნის ცერემონიას ჩინეთის დელეგაცია, ადგილობრივი ხელისუფლების წარმომადგენლები, ინფრასტრუქტურის და ფინანთა მინისტრის მოადგილეები დაესწრნენ.

საქართველოს მთავრობის 2015 წლის 10 მარტის დადგენილებით ჰუალინგის თავისუფალ ინდუსტრიულ ზონას თიზ-ის სტატუსი 30 წლით, 2045 წლამდე მიენიჭა. ზონა ქუთაისში 36 ჰექტარზეა განთავსებული.

თიზ-ის ფუნქციონირების დაწყებიდან მთელი პერიოდის განმავლობაში, დასაქმებულთა, მათ შორის მუდმივად დასაქმებულთა არანაკლებ 75% იქნება საქართველოს მოქალაქე.
სახელმწიფოს წინაშე აღებული ვალდებულებების მიხედვით, „ჰუალინგ ჯგუფი“ თიზ-ში 40 მლნ. აშშ დოლარის ინვესტიციას განახორციელებს.