ქუთაისში ავარიას სკოლის მოსწავლეები ემსხვერპლნენ

ორი ადამიანის გარდაცვალებით დასრულდა ქუთაისში, ირაკლი აბაშიძის გამზირზე, საქართველოს პარლამენტის მიმდებარე ტერიტორიაზე მომხდარი ავტოსაგზაო შემთხვევა. შემთხვევაში ორი მსუბუქი ავტომანქანა მონაწილეობდა. გარდაცვლილები არიან სკოლის მოსწავლეები. როგორც Topnews.com.ge-ს სასწრაფო სამედიცინო დახმარების სამსახურის ქუთაისის ფილიალში განუცხადეს, სამი ადამიანი კლინიკურ საავადმყოფოსა და ინტერვენციული მედიცინის ცენტრში დაზიანებებით გადაიყვანეს. ახლობელთა ინფორმაციით, მათი ჯანმრთელობის მდგომარეობა მძიმეა. რაც შეეხება ორ დაღუპულს, მათი გარდაცვალება კლინიკაში გადაყვანის შემდეგ მოხდა.

როგორც Topnews.com.ge-სთვის გახდა ცნობილი, ავარიის შედეგად დაშავებული და გარდაცვლილი პირები სახინკლეში იმყოფებოდნენ და სახლში ბრუნდებოდნენ. ავტოსაგზაო შემთხვევა კი არაფხიზელმა მდგომარეობამ გამოიწვია.