15-16 ოქტომბერს იმერეთის რეგიონში შუქის მორიგი გათიშვაა მოსალოდნელი

მიმდინარე კვირაში სააქციო საზოგადოება "ენერგო-პრო ჯორჯია"-ს დასავლეთ საქართველოს ცენტრალური ფილიალის გამანაწილებელ ქსელში დაგეგმილი სამუშაოების გამო ელექტროენერგიის მიეწოდება დროებით შეეზღუდება მომხმარებელთა ნაწილს:

ქუთაისი. 15 ოქტომბერს, მაღალი ძაბვის ქვესადგურ "ბაკისუბანში" დაგეგმილი სამუშაოების გამო 12:00-დან 15:00 სთ-მდე გაითიშება ფიდერები “აისი”, “#202”, “პური-3”, “კოსტია”, “საკონდიტრო”, “161-ა” და “მექანიკური ქარხანა“. ძაბვის მიწოდება დროებით შეეზღუდებათ აღნიშნული ფიდერების მომხმარებლებს ნიკეას ქუჩაზე და თაბუკაშვილის ქუჩის ნაწილს. ჯამში, დაახლოებით 5000 აბონენტს.

ცაგერი/ლენტეხი. გამო 15 ოქტომბერს, 11:00-დან 17:00 საათამდე ელექტროენერგიის მიწოდება შეუწყდებაა დაახლოებით 6000 აბონენტს ცაგერისა და ლენტეხის მუნიციპალიტეტებში. ენერგო-პრო ჯორჯიას ტექნიკური სამსახური 35/0.4 კვ ქვესადგურ „ლაჯანაში“ სარეაბილიტაციო სამუშაოებს ახორციელებს, რის პარალელურადაც დაიგეგმა გაჩეხვითი სამუშაოები მ/ძ გადამცემ ხაზ „ორბელზე“. სამუშაოების წარმოების პერიოდში ელექტროენერგიიის მიწოდება დროებით შეეზღუდებათ მ/ძ ქვესადგურების „ცაგერის“, „ორბელის“, „ლაჯანას“ „ლენტეხის“, „ხოფურის“ და „ჩოლურის“ მომხმარებლებს ცაგერისა და ლენტეხის რაიონებში.

ხონი. 16 ოქტომბერს, 11:00-18:00 საათამდე მ/ძ გადამცემ ხაზებზე „ღანირი-1“ და „ღანირი-2“ დაგეგმილი გაჩეხვითი სამუშაოებისა და ქვესადგურში „ხონი-2“ განსახორციელებელი პროფილაქტიკური გამორთვის გამო ძაბვის მიწოდება შეუწყდება დაახლოებით 11 000 აბონენტს ქ. ხონში და ხონის რაიონის სოფლებში.

კომპანიის მიერ გამანაწილებელი მოწყობილობების რეაბილიტაციისა და ზამთრისთვის მოსამზადებელი პროფილაქტიკური სამუშაოები მომხმარებლისთვის ელექტროენერგიის მიწოდების საიმედოობისა და ხარისხის ზრდას ითვალისწინებს. უამინდობის შემთხვევაში სამუშაოები გადაიდება და თარიღი დამატებით ეცნობებათ აბონენტებს.