ქუთაისში NDI-ის მიერ გამოკითხულთა 72 პროცენტი ფიქრობს, რომ არჩეულ პირს ქალაქი არასწორი მიმართულებით მიჰყავს

ეროვნულ-დემოკრატიული ინსტიტუტის კვლევის მიხედვით, ქუთაისში გამოკითხულთა 72 პროცენტი ფიქრობს, რომ არჩეულ თანამდებობის პირებს ქალაქი არასწორი მიმართულებით მიჰყავს.
გამოკითხულთა 14 % ფიქრობს, რომ ქალაქი სწორი მიმართულებით მიდის, 13 %-ს კი აღნიშნულზე პოზიცია არ აქვს.
ქალაქის მერის შოთა მურღულიას თქმით, ათეული წლების განმავლობაში ქალაქის განვითარების გეგმა არ არსებობდა, ბოლო წელია კი ამ კუთხით ქალაქის ადგილობრივი თვითმმართველობა აქტიურად მუშაობს.
„ეს მაჩვენებელი ჩემთვისაც ერთ-ერთი ნაშანდობლივია, რადგანაც 25 წელია ქალაქის ფუნქცია ანუ ქალაქის ძირითადი ეკონომიკური მამოძრავებელი მიმართულება არ იყო განსაზღვრული. ჩვენ ერთი წელია, რაც დავიწყეთ ამ კუთხით მუშაობა და სტრატეგია თითქმის უკვე დასრულებულია , თუმცა აბსულუტურად ვეთანხმები, რომ მოსახლეობასთან უფრო მეტი მუშაობაა საჭირო. ბუნებრივია მათ აინტერესებდეთ თუ საით განვითარდება ქალაქი და ამ კუთხით მუშაობას გავზრდით, თუმცა ამ ეტაპზე სხვა შედეგს არც ველოდი“- განაცხადა შოღა მურღულიამ.