"ქართული ოცნების" დეპუტატი საპატიო ზასტაველი გახდა

ქუთაისში ქალაქის ერთ-ერთი უბნის-"ზასტავის" დღესასწაული გაიმართა. გამარჯვების მაჟორიტარი დეპუტატის ნატო ქათამაძის ინიციატივით აღდგენილი დღესასწაული, დღეს 17:00 საათიდან დაიწყო. ღონისძიება სხვადასხვა გასართობ ნომერს, გამოფენასა და წარმოდგენას მოიცავდა.

"ზასტავა 2015-"ის ერთ-ერთი ნაწილი "საპატიო ზასტაველები"-ს დასახელებას დაეთმო. აღნიშნული წოდება ქუთაისის აკაკი წერეთლის სახელმწიფო უნივერსიტეტის პროექტორის შალვა კირთაძის გარდა, საპარლამენტო უმრავლესობის წევრმა, "რესპუბლიკელმა" ლევან ბერძენიშვილმა და საზოგადოებისათვის მეტ-ნაკელბად ცნობილმა სხვა პირებმა მიიღეს.

"მიმაჩნია, რომ ყოველდღიური საქმით გადაღლილი ადამიანებისათვის ერთი ლამაზი დღე უნდა გვეჩუქებინა.იმედი მაქვს რომ აღნიშნული ტრადიცია მომავალშიც გაგრძელდება,“ - განაცხადა ნატო ქათამაძემ.