ყაჩაღობის შედეგად დაშავებული ქუთაისის საავადმყოფოში მკურნალობს

ხობის რაიონის სოფელ პატარა ფოთში, გუშინ, გვიან ღამით ორმა ნიღბიანმა შეიარაღებულმა პირმა გაზგასამართი სადგური დააყაჩაღა.
ყაჩაღობის დროს, ნიღბიანებმა ერთი პირი სასტიკად სცემეს, მეორეს კი ცეცხლსასროლი იარაღიდან ესროლეს.
სროლის შედეგად დაშავებული გამთენიისას ქუთაისში საავადმყოფოში გადაიყვანეს.
როგორც მკურნალმა ექიმმა topnews.com.ge ადგილობრივ კორესპონდენტს განუცხადა, დაშავებულის ჯანმრთელობის მდგომარეობა სტაბილურია.