"სპეციალური სერვისები"-ს თანამშრომლებმა სკვერი და მდინარის კალაპოტი გაწმინდეს

ააიპ "სპეციალური სერვისები"-ს თანამშრომლები ქალაქის მასშტაბით არსებულ სხვადასხვა სკვერს პერმანენტულად ასუფთავენ. სამსახურის თანამშრომლებმა დღეს ავტოქარხნის მუნიციპალიტეტის წინ მდებარე სკვერის ტერიტორია ძირს დაყრილი საყოფაცხოვრებო ნარჩენებისა და ფოთლებისაგან გაწმინდეს. როგორც სამსახურის თანამშრომლები აღნიშნავენ, მსგავსი ტიპის სამუშაოები მომავალშიც გაგრძელდება.



დღესვე, "სპეციალურ სერვისებ"-ში დასაქმებულებმა ქუთაისში, წერეთლის ქუჩაზე არსებული ე.წ თამარას ღელეს კალაპოტი კიდევ ერთხელ გაწმინდეს. მდინარის კალაპოტის გაწმენდის საჭიროება ძლიერი წვიმის შედეგად ე.წ. "თამარას ღელე"-ში შლამისა და ნარჩენების დაგროვებამ გამოიწვია.