თერჯოლის სოფელში მრევლის შემოწირულობით აშენებული ეკლესია ეკურთხა

თერჯოლის მუნიციპალიტეტის სოფელ ღვანკითში ყოვლადწმინდა სამების ტაძარი ეკურთხა. ეკლესია ეპარქიის მღვდელმსახურებთან ერთად აკურთხა და საზეიმო წირვა-ლოცვა აღავლინა ტყიბულისა და თერჯოლის მიტროპოლიტმა მეუფე გიორგიმ.

აღნიშნული ტაძრის რესტავრაცია ხუთი წლის განმავლობაში მიმდინარეობდა და ადგილობრივი მოსახლეობისა და კეთილი ადამიანების შემოწირულობით დასრულდა. ტაძარში წირვა-ლოცვა დღეიდან, ყოველ კვირას აღევლინება.



ყოვლადწმინდა სამების ტაძრის კურთხევას თერჯოლის მუნიციპალიტეტის ხელმძღვანელი პირებიც ესწრებოდნენ.