ქუთაისის მერი არასამთავრობო ორგანიზაციის წარმომადგენლებს შეხვდა

ქუთაისის მერი შოთა მურღულია არასამთავრობო ორგანიზაციის წარმომადგენლებს შეხვდა.
ქალაქის მერმა ენჯეო სექტორს ქუთაისის ეკონომიკური განვითარების სტრატეგიაზე ერთობლივი მუშაობის შესახებ ესაუბრა.
„გთავაზობთ თანამშრომლობას, რათა ერთობლივად შევიმუშაოთ ქალაქის განვითარების სტრატეგია, რომელიც ქუთაისის, როგორც ეკონომიკურ ასევე ტურისტულ და ურბანულ განაშენიანებას გულისხმობს. ამ მხრივ ჩვენ გავითვალისწინებთ თქვენს საპროექტო წინადადებებს.“-განაცხადა შეხვედრაზე შოთა მურღულიამ.
ქალაქის სტრატეგიულ გეგმას ქუთაისის მერიის ეკონომიკური განვითარებისა და ადგილობრივი თვითმმართველობის ქონების მართვის სამსახური ადგენს. აღნიშნულ პროცესში ქუთაისის ადგილობრივი ხელისუფლება აპირებს ქალაქში მოქმედი არასამთავრობო ორგანიზაციები და საზოგადოების სხვა წარმომადგენლები ჩართოს.