ქუთაისის საერთაშორისო აეროპორტს ფრენები უკრაინის მიმართულებით დაემატა

უკრაინული ავიაკომპანია“უკრაინის საერთაშორისო ავიახაზები“ (FlyUIA) ხარკოვიდან ქუთაისის მიმართულებით რეგურალური ავიარეისების განხორციელებას 18 დეკემბრიდან იწყებს.

FlyUIA ქუთაისიდან ხარკოვის მიმართულებით პირდაპირ ავიარეისს კვირაში ორჯერ: სამშაბათობით და პარასკეობით განახორციელებს. უკვე ცნობილია, რომ აღნიშნულ მარსრუტზე ავიაკომპანია რეისებს Boeing 737 -ითა და Embraer-190-ით განახორციელებს. ხარკოვის აეროპორტიდან ფრენა (ადგილობრივი დროით) 21:30 საათზე განხორციელდება და მგზავრი ქუთაისის აეროპორტში 02:10 (ადგილობრივი დროით) საათზე იქნება. ქუთაისიდან რეისი 03.10 საათზე (ადგილობრივი დროით) შესრულდება და ლაინერი ხარკოვის აეროპორტში ადგილობრივი დროიათ 04:00 საათზე იქნება. ბილეთის ღირებულება, ერთი გზა, 103 დოლარიდან დაიწყება, ხოლო ორივე მიმართულებით ფრენის ღირებულება 183 დოლარიდან ეღირება. ფასი მოიცავს ყველა გადასახადსა და მოსაკრებელს. შეგახსენებთ, რომ FlyUIA ქუთაისის აეროპორტიდან კიევის მიმართულებით რეგულარულ რეისებს უკვე ახორციელებს.