ქუთაისის მერის ერთი დღე ბაკურიანის ბანაკში

ბაკურიანში ქუთაისის მერიის ახალგაზრდობის საქმეთა განყოფილების პროგრამის- ,,ახალგაზრდული ბანაკი 2015“-ის საშემოდგომო სკოლა მიმდინარეობს. ბაკურიანის ბანაკი 100 -მდე ახალგაზრდისთვისაა გათვლილი. ბანაკის პირველი ეტაპი დასრულდა. საშემოდგომო სკოლის 50-მდე მონაწილე ქუთაისის მერმა შოთა მურღულიამ მოინახულა და მათთან ერთად ერთი დღე გაატარა.

„ერთ -ერთი კარგი პროგრამა, რომელსაც მე ვხედავ ჩვენს გაწერილ საქმიანობებში, ახალგაზრდული პროგრამების ორგანიზებაა. შინაარსობრივად ძალიან დატვირთული ბანაკები გამოგვივიდა, ახალგაზრდები აქტიურად ჩაერთენ ყველა ღონისძიებაში, რაც ძალიან მახარებს. მე ყველანაირად მივცემ საშუალებას ხელი შევუწყო ამ პროექტების განხორციელებას,“- განაცხადა შოთა მურღულიამ.

ქუთაისის მერიის ახალგაზრდულ ბანაკ ,,საშემოდგომო სკოლა“-ში ახალგაზრდებისთვის თემატური ტრენინგები ტარდება შემდეგ საკითხზებზე: პროექტების წერა, მოხალისეობა, სამოქალაქო აქტივობა, ადვოკატირება და სოციალური მედია.

,,ახალგაზრდული ბანაკი 2015“-ის საშემოდგომო სკოლის პირველი ნაკადი 6- დღიანი იყო. მონაწილეებს სერთიფიკატები გადაეცათ. ამჯერად ბანაკის მეორე ეტაპი მიმდინარეობს, სადაც ტრენინგ -სწავლებებს 50-მდე ახალგაზრდა გადის.