სპორტის დღე წყალტუბოში

ოლიმპიზმისა და სპორტის დღესთან დაკავშირებით წყალტუბოს რეაბილიტირებულ პარკში ფრენბურთში ოლიმპიური მარათონი, ოლიმპიური ველორბოლა და ოლიმპიური ფესტივალი მოეწყო. დღესვე, წყალტუბოში ჭადრაკში, ხელბურთსა და მძლეოსნობაშიც გაიმართა შეჯიბრებები. გამარჯვებულებს სიგელები და სამახსოვრო საჩუქრები გადაეცათ. ღონისძიებებს წყალტუბოსა და იმერეთის რეგიონის ხელმძღვანელი პირები ესწრებოდნენ.