იმერეთის საპატრულო პოლიციაში საკადრო გადაადგილება განხორციელდა

იმერეთის საპატრულო პოლიციის უფროსი, ზაალ ფუტკარაძე თანამდებობიდან გაათავისუფლეს.
როგორც topnews.com.ge-ს შინაგან საქმეთა სამინისტროში განუცხადეს, ფუტკარაძე ამ პოზიციაზე ამირან ვერულაშვილმა ჩაანაცვლა, რომელიც წარსულში საპატრულო პოლიციის დეპარტამენტის ქვემო ქართლის სამმართველოს უფროსის მოადგილე იყო.
შეგახსენებთ, რომ ზაალ ფუტკარაძე ამ თანამდებობაზე 2015 წლის 10 მარტს დაინიშნა. ჯერ-ჯერობით უცნობია, თუ რა თანამდებობაზე დაინიშნება იმერეთის საპატრულო პოლიციის ყოფილი უფროსი.