ქუთაისის სასამართლომ რუსთავი 2–ის მხარდამჭერს პატიმრობა შეუფარდა

ქუთაისის საქალაქო სასამართლოს გადაწყვეტილებით, რუსთავი 2–ის დააკავებული მხარდამჭერებიდან ერთ–ერთს, მირიან დეისაძეს ორთვიანი წინასწარი პატიმრობა შეეფარდა, ხოლო დანარჩენი ორი პირისათვის სასჯელის შეფარდების საკითხზე სასამართლო ამ წუთებში მსჯელობს.

შეგახსენებთ, რომ სამ პირს სამართალდამცავები რუსთავი 2–ის მხარდამჭერ აქციაზე დეპუტატ დავით ლორთქიფანიძისათვის პიჯაკის შემოხევას ედავებოდნენ. დაკავებულები წაყენებულ ბრალში თავს დამნაშავედ არ ცნობდნენ და მშრალი შიმშილობა გამოაცხადეს.