"ნაციონალური მოძრაობის" წევრებმა ქუთაისში შიმშილობა დაიწყეს

სამართალდამცავების მიერ დაკავებულ "რუსთავი 2"-ის მხარდამჭერებს, რომლებიც შიმშილობენ, "ნაციონალური მოძრაობის" ქუთაისის ორგანიზაციისა და "თავისუფალი ზონი"-ს წევრები უერთდებიან. როგორც Topnews.com.ge-ს "ნაციონალური მოძრაობის" ქუთაისის ოფისის საორგანიზაციო მდივანმა კოტე რატიანმა განუცხადა, ისინი შიმშილობას ქუთაისის მერიის მიმდებარე ტერიტორიაზე დაიწყებენ და ამგვარად დაკავებულებს სოლიდარობას გამოუცხადებენ.

შეგახსენებთ, რომ სამართალდამცავებმა სამ ოქტომბერს სამი პირი დააკავეს. მათ რუსთავი 2-ის მხარდამჭერ აქციაზე უმრავლესობის დეპუტატ დავით ლორთქიფანიძისათვის პიჯაკის შემოხევა და მისი სიტყვიერი შეურაცხყოფა ედებათ ბრალად.