ქუთაისში ,,რუსთავი 2’’-ის მხარდამჭერებმა შიმშილობა დაიწყეს

"რუსთავი2"-ის მხარდამჭერი აქციის მონაწილეები, რომლებიც სამართალდამცველებმა დეპუტატ დავით ლორთქიფანიძისთვის პიჯაკის შემოხევისთვის დააკავეს შიმშილობა დაიწყეს.
როგორც "ნაციონალური მოძრაობის" დეპუტატი, გიორგი თევდორაძე აცხადებს, დაკავებულები დროებითი მოთავსების იზოლატორში ჰყავთ გადაყვანილი.
თევდორაძის თქმით, დაკავებულების ადგილსამყოფელი ოჯახის წევრებისთვის და ადვოკატისთვის მხოლოდ მას შემდეგ გახდა ცნობილი, რაც მედიით გაჟღერდა ინფორმაცია, რომ დაკავებულების ადგილსამყოფელი 3 საათის განმავლობაში გაურკვეველი იყო.
დეპუტატ გიორგი თევდორაძის განცხადებით, დაკავებულია სამი ადამიანი. დღეს საღამოს ჯერ ნიკა ნარსია და მირიან დეისაძე, მოგვიანებით კი კიდევ ერთი პირი - კახა გაბუნია დააკავეს.