"ჯანმრთელი დედები-ჯანმრთელი მომავალი"-პროექტი სიცოცხლის დასაცავად

ორგანიზაციამ ააიპ INER Georgia-წყვილისა და სიცოცხლის სამსახურში პროექტის-,,ჯანმრთელი დედები-ჯანმრთელი მომავლის'' შუალედური ანგარიში წარმოადგინა. აღნიშნულ პროექტს ორგანიზაცია საია-ს ქუთაისის ფილიალთან ერთად ახორციელებს.

პროექტის მიზანს რეპროდუქციული ასაკის მქონე ქალბატონების საკუთარ რეპროდუქციულ უნარებსა თუ ოჯახის დაგეგმვის ბუნებრივ მეთოდებზე ინფორმირებულობა, ასევე, სხვადასხვა სამედიცინო თუ სახელმწიფო სერვისებსა და პროგრამებზე მოსახლეობისათვის ინფორმაციის მიწოდება წარმოადგენს.

,,პროექტი ივნისის თვეში დაიწყო. გამოიკითხა რეპროდუქციულ ასაკში მყოფი 150 ქალი და დადგინდა, რომ ნაკლებია მათი ინფორმირებულობა. ამიტომაც, ამ ვაკუუმის ამოსავსებად და მოსახლეობის მაქსიმალური ინფორმირებულობისთვის პროექტი გაგრძელდება მიმდინარე თვეებშიც,''-განაცხადა INER Georgia-ს ოჯახის ბუნებრივი დაგეგმვის ექსპერტმა ნინო ჟღენტმა.

ცნობისთვის, ორგანიზაციაში ,,წყვილისა და სიცოცხლის სამსახური'' ასევე ფუნქციონირებს ქალბატონებისთვის უფასო, ინდივიდუალური, ფსიქოლოგიური კონსულტაცია ნებისმიერ თემასთან დაკავშირებით.

თიკო ძოძუაშვილი