"აჩუქე წიგნი პატიმარს," - საქველმოქმედო აქცია ქუთაისში

29 სექტემბერს, 17:00 საათზე ქთაისის ოპერისა და ბალეტის სახელმწიფო თეატრის ფოიეში მსჯავრდებულთა და ბრალდებულთა ნამუშევრების გამოფენა მოეწყობა. ღონისძიების ინიციატორი ქუთაისის N2 პენიტენციური დაწესებულების სოციალური განყოფილებაა.

ღონისძიებას ორგანიზებას ქუთაისის მერიის კულტურის, სპორტის, განათლების, ძეგლთა დაცვისა და ახალგაზრდობის საქმეთა სამსახურის ახალგაზრდობის საქმეთა განყოფილება უწევს და ღონისძიების ფარგლებში აწყობს აქციას- „აჩუქე წიგნი პატიმარს“.

ნებისმიერ მსურველსა და დაინტერესებულ პირს შეუძლია ეწვიოს გამოფენას და მიიღოს მონაწილეობა საქველმოქმედო აქციაში.