წყალტუბოში ხელოვნების ფესტივალი გაიხსნა

წყალტუბოში, სპორტის სასახლის მიმდებარე ტერიტორიაზე ხელოვნების ფესტივალი გაიხსნა.

ფესტივალის გახსნაზე წარმოდგენილი იყო წყალტუბოს მოცეკვავეთა ანსამბლების -„იალონის“, „გიჟი პეპლების“ და „სიონის“ ცეკვები. ასევე, შვეიცარიელი ქორეოგრაფების - მერეტ შლეგერისა და კილიან ჰესელბექის საცეკვაო წარმოდგენა „ორთოფედია თუ ყოფნა“, წყალტუბოს ფოლკლორულ ანსამბლ „ნადურისა“ და ანსამბლ ,,სალაღობოს'' სიმღერები.

პროექტი, რომელიც „სამხრეთ კავკასიის ხელოვნებისა და კულტურის რეგიონალური პროგრამის" ფარგლებში ხორციელდება, 27 სექტემბერამდე გაგრძელდება.