ქუთაისში თირკმლის დაავადებების გამოსავლენად უფასო გამოკვლევები დაიწყო

ქუთაისში არსებული ნეფროლოგიის ცენტრი ქალაქის მერმა შოთა მურღულიამ და საკრებულოს თავმჯდომარემ დავით დვალმა დაათვალიერეს. ამეტაპზე ცენტრი უფასო გამოკვლევებს ატარებს. გამოკვლევები ქუთაისში თირკმლის ქრონიკული დაავადებების გამოსავლენად 2 დღის მანძილზე გაგრძელდება. პაციენტებს უტარდებათ ექიმი -ნეფროლოგის უფასო კონსულტაცია და ექოსკოპია საშარდე სისტემის, შარდის კლინიკური ანალიზის და სისხლში კრეატინინის (ანუ აზოტის) შესახებ. კვლევის მიზანს თირკმლის ქრონიკული დაავადებების დროული დიაგნოსტირება და პრევენცია წარმოადგენს.