ცოფთან ბრძოლის საერთაშორისო დღესთან დაკავშირებით საქართველოში ცხოველებს უფასოდ აცრიან

ცოფთან ბრძოლის საერთაშორისო დღესთან დაკავშირებით, სურსათის ეროვნული სააგენტო 27-28 სექტემბერს თბილისსა და საქართველოს რეგიონებში შინაური ცხოველების (ძაღლი, კატა) უფასო პროფილაქტიკურ ვაქცინაციას ატარებს.

ვაქცინაცია შემდეგ მისამართებზე ჩატარდება:

თბილისში - ვაკის პარკი; დიდუბე - ექსპო ჯორჯიას ტერიტორია; ავჭალა - სარაჯიშვილის 3 (გლდანის გამგეობის უკან, კერძო ვეტერინარული კლინიკა); ავლაბარი - მეტროს მიმდებარე ტერიტორია (სკვერში);

ქუთაისში - ნიკეას მე-3 ჩიხი #5 (სურსათის ეროვნული სააგენტოს იმერეთის რეგიონული ოფისი);

ზუგდიდში - გამსახურდიას ქ. მე -2 შესახვევი #4 (სურსათის ეროვნული სააგენტოს სამეგრელო-ზემო სვანეთის რეგიონული ოფისი);

თელავში - ალაზნის გამზირი (სურსათის ეროვნული სააგენტოს კახეთის რეგიონული ოფისი). თეატრის წინ, მოედანზე და პედაგოგიურ ინსტიტუტთან;
რუსთავში - იუსტიციის სახლის წინ მდებარე სკვერი;

ახალციხეში - ახალქალაქის გზატკეცილი, ტბის მიმდებარე ტერიტორია (სურსათის ეროვნული სააგენტოს სამცხე-ჯავახეთის რეგიონული ოფისი);

მცხეთაში - აღმაშენებლის 51 (სურსათის ეროვნული სააგენტოს მცხეთა-მთიანეთის რეგიონული ოფისი);

გორში - ცხინვალის გზატკეცილი მე-5 კმ;

ბათუმში - გოგებაშვილის 46ა;

ოზურგეთში - ვ.დოლიძის N10;

ამბროლაურში - ბრატისლავა - რაჭის 17ა.

ცნობისთვის, ცოფი მწვავე ინფექციური დაავადებაა, რომელიც დაავადებული ცხოველების დაკბენით, დაკაწვრით ან დადორბვლით გადადის. ცოფით ავადდება ადამიანიც.
ცხოველების დასაცავად აუცილებელია მათი ყოველწლიური ვაქცინაცია. დამატებითი ინფორმაციისათვის დარეკეთ ცხელ ხაზზე: 291 91 68.