ქუთაისის სააპელაციო სასამართლოსთან საპროტესტო აქცია გაიმართა

ქუთაისის სააპელაციო სასამართლოსთან საპროტესტო აქცია გაიმართა.
პატიმარ ნუგზარ ჩელებაძეს ოჯახის წევრებმა და ახლობლებმა ბათუმის საქალაქო სასამართლოს გადაწყვეტილება გაასაჩივრეს, რომლის მიხედვითაც, ჩელებაძეს 5 წლით თავისუფლების აღკვეთა მიესაჯა.

პატიმრის უფლებადამცველის თქმით, საგამოძიებო ორგანოები მისი დაცვის ქვეშ მყოფს ტაქსის მძღოლის ყაჩაღობას ედავებიან, რაც სიმართლეს არ შეესაბამება.

„ჩემი დაცვის ქვეშ მყოფმა ტაქსის მძღოლს უთხრა, ფული თუ გაქვს, რომ 10 ლარი დამიშალოო. ტაქსის მძღოლს ეგონა, რომ მაყაჩაღებსო და პატრულს დაუძახა. ბათუმის სასამართლომ ჩემი დაცვის ქვეშ მყოფი ყაჩაღობის ბრალდებით გაასამართლა და 5 წელი მიუსაჯა. იმედი მაქვს, რომ სააპელაციო სასამართლო ობიექტურ გადაწყვეტილებას გამოიტანს, თუმცა სამწუხაროა, რომ ნინო გვენეტაძის უზენაესი სასამართლოს თავმჯდომარედ არჩევის შემდეგ, სასამართლო ობიექტურ გადაწყვეტილებებს ვეღარ იღებს“, - აცხადებს ადვოკატი დავით ჯაფარიძე.

ცნობისთვის ნუგზარ ჩელებაძის ოჯახის წევრები აქციებს ბათუმსა და ქუთაისში სისტემატურად გამართავენ.